外賣走塑｜港女數外賣3宗罪紙羹插唔入糯米飯　1點穿崩被網民反批：譁眾取寵

【外賣走塑/紙餐具】「走塑」政策昨日（22日）正式實施，全港食肆需使用木或紙餐具，取代原來的膠製餐具，實施首天已民怨四起，社交平台上更流傳多段影片，展示紙製餐具的「可用性」。當中一段影片有港女嘗試用食店提供的紙匙羹吃糯米飯，不但無法成功𢳂起糯米飯，匙羹更完全變形，使她怒斥「30蚊買個糯米飯，花生都無粒，仲要食唔到！」事件曝光後，網民不撐更反鬧港女「譁眾取寵」。

▲ 港女上傳影片怒斥外賣3宗罪，怒斥用紙匙羹吃不到糯米飯。（《開心速遞》劇照）

外賣走塑｜港女大數外賣3大缺點

該名港女於Facebook群組「422『齊走塑』環保消息關注組」上載一段影片，並列出外賣糯米飯3大缺點，表示「三十蚊一個勁伏的糯米飯」、「入面同無料都無咩分別 」、「個「（紙）匙羹」插唔入 」，她又指下次會用手吃，而且之後的一段時間也不會再吃糯米。

最新影片推介：

外賣走塑｜紙匙羹變形依舊無法吃糯米飯

從影片中可見，港女嘗試用食店提供的紙匙羹吃糯米飯，但經過多次大力的嘗試，甚至紙匙羹變形也無法成功𢳂起一勺糯米飯，直斥「啱啱真係X出聲，30蚊買個糯米飯，花生都無粒，仲要食唔X到！」

▼點擊圖片放大

+4

+3

外賣走塑｜網民發現1點反鬧事主譁眾取寵

影片引起網民熱議，表示「啲環保羮真係無可能食到咁硬嘅糯米飯」、「而家連食啖飯都難」。另外，有眼利網民從影片中發現其實食店有提供木叉，質疑事主只是「譁眾取寵，為拍而拍」、「喺糯米飯面前，除咗鐵羹之外，其他匙羹都係無用」、「上面有木叉唔用？」、「明明有木叉，但就係都要用紙匙羹，根本唔係餐具問題，係你有問題。」

🎓全新TOPSchool全港中小學校搜尋器，入HKET App即睇！

💯備戰考試季！立即下載免費試題👉🏻【中英數常識試題下載】

下載HKET App，追蹤TOPick WhatsApp頻道，睇全方位資訊：

【全港中小學選校資訊】 【名校專區升學攻略】

【兒童健康百科】 【職場文化智慧】 【家事百科全書】